У Беларусі прайшлі першыя футбольныя турніры ў рамках кампаніі “Турнір Пасіянарыяў 2011 года: Эпоха герояў”.

Праводзіць акцыю грамадзянская ініцыятыва “Забей!”  У гэтым годзе турнір стартаваў ў Баранавічах і Маладзечне. Ён працягнецца да чэрвеня. А ўвогуле маладзёвыя дваровыя футбольныя турніры ладзяцца з 2006 года. Па словах аднаго з арганізатараў, маладзёвага актывіста Міхаіла Волчака, кожная гульня будзе прысвячацца аднаму з беларускіх герояў – змагарам, людзям дзеяння і ўчынкаў, якія пакінулі яскравы след у гісторыі.

- Гэта цэлы турнір, які працягваецца два з паловай месяцы да сярэдзіны чэрвеня. Удзельнічаюць футбольныя дваровыя каманды 6 на 6. Моладзь збіраецца, узрост - 16-23 гады. І спаборнічаюць на звычайных дваровых пляцоўках. У гэтым годзе мы запланавалі турнір у 8 гарадах. Гэта - Мінск, адбыліся спаборніцтвы ў Баранавічах, Маладзечне, на чарзе - Бабруйск, Барысаў і г.д. Мы вырашылі не проста ладзіць спартовыя спаборніцтвы, а дадаць да турніра пэўны гістарычны складнік - кожнаму туру спланавалі мерапрыемства, якое прысвечана адметнаму, выбітнаму чалавеку з гісторыі нашай краіны.

Па словах Міхаіла Волчака, турнір ў Баранавічах прысвечаны самаму вядомаму беларускаму партызану – дзеду Талашу. Турнір у Маладэчна – падпольшчыку, змагару з камуністычнымі ўладамі Міхаілу Вітушке.

Генадзь Барбарыч, Радыё Рацыя.

Паслухаць каментар!