5 кастрычніка ў кавярні "Стары Менск" адбудзецца літаратурная вечарына.

"Іду па вуліцы. На небе шэрыя хмары, вакол праходзяць людзі з тлумнымі праблемамі. У натоўпе накатвае звыклае пачуцьцё адзіноты. Але ўсё зьмяняецца, калі пачынаю чуць дзіўныя гукі, якія так нехарактэрны для нашага горада. Гучныя, упэўненыя, свабодныя словы паэзіі зьмяняюцца музычнай імправізацыяй…"

Ня можа быць такога ў Менску? Хадзіце больш па вуліцах і прыслухоўвайцеся. Цяпер паэзія будзе гучаць у парках і скверах, кавярнях ды закінутых прамысловых будынках. Летам вершы былі пачуты некалькімі дзясяткамі слухачоў пад дахам доўгабуда, а ў бліжэйшую нядзелю 5 кастрычніка пачынаючы з шостай гадзіны вечара паэзія завітае ў кавярню "Стары Менск".
Будуць выступаць Цемрык Велет, Усевалад Сьцебурака, Марыйка Мартысевіч, Анатоль Івашчанка ды іншыя. Магчымасьць данесьці сваю творчасьць будзе ва ўсіх ахвотных, а таму запрашаем маладых паэтаў да актыўнага ўдзелу.
Слухачам жа параім прыходзіць раней, бо колькасьць месцаў абмежаваная.
 

lit_party.flv